Anpil literati sou vodou! Video sila se yonn. Nou menm ki gen fwa kretyen, nou konsidere li nesesè pou nou entèvni pou video sa a pa fè dega. Konsa, nou detèmine pou nou analize'l, dekòtike'l pou wou. BON LEKTI!
Nou gen anpil nan konpatriyòt nou yo ki li Kreyòl ak difikilte. Pou sa, nou te mete Vèsyon Franse sila disponib pou yo.

Nou tout konnen, mond lan se yon vilaj. Ann pran yon pati ke nou reprezante pa drapo ayisyen an. "AYITI CHERI". Nou ankadre’l ak de fòs ki domine mond lan. Youn, se Bondye Ki gen toutpouvwa a ke nou reprezante, san profanasyon, pa yon kolonb.( "PAPA NOU KI NAN SYÈL LA.") Langaj sa a pa soti de nou, se Li menm ki mande nou pou nou adrese’l konsa.
Lòt la, se Lèspri Satanik lan ke nou reprezante pa yon sèpan. Nou tout konnen sa sa vle di. Nou tout konnen ki jan sèpan an te tounen mond lan tèt anba lè li te entèveni nan Jaden Edenn nan. Ki jan moun ki pratike vaudou yo rele’l?
La, se yon bèl opòtinite pou mwen pataje ak vaudouolog yo yon èxperyans mwen te fè sou sijè sa a, mwen te apèn gen ven rekòlt kafe nan tèt mwen. Kiryozite entelètyèl trennen’m nan yon seremoni vaudou. Mwen pap kache gwo sipriz mwen, lè mwen wè ke brevyè katolik la, MISÈL DOMINIKAL la, te fè pati seremoni yo epi yo te itilize’l depi nan kòmansman seremoni an. Èske sa se yon uzurpation oswa kèk resanblans nan lafwa yo? Jiskaprezan, mwen pa jwenn yon èxplikasyon satisfezan.
Nan dezyèm pati a, nou prezante w yon dam, ak tout elokans li, ki te sèvi ak yon videyo Tik Tok kote li te eseye fè jijman vaudou ke li makonnen ak revolisyon Ayisyèn nan ane 1804 . Lè li te pale de spirityalite, li mete tèt li nan pèlin.. Nou ta renmen fè yon pwen sou sa.
SPIRIYALITE se yon fòs natirèl nan chak moun, lè ou fenk fèt. Yon fòs, yon elan ki pèmèt nou rive jwenn Bondye Ki gen toutpouvwa a (Ann fè moun nan imaj nou ak resanblans nou ...JENÈZ 1:26); yon fòs, yon momantòm ki twò souvan febli jouk li pakapab fè okenn mouvman.
Nou te sezi tande dam nan pale ak nou timidman de spirityalite. Nou te oblije reflechi yon ti tan pou nou konprann li. Li byen konnen sa, gen kèk paran ki pa rate opòtinite pou yo dedye ti bebe ki fenk fèt yo bay yon èspri. Kidonk, nan konpòtman timoun sa a, tout moun rekonèt enfliyans yon loa vaudou. Paran sa yo fyè pou deklare ke pitit yo pwoteje pa yon èspri loa.
Mwen tande video a yon dezyèm fwa, mwen pa ka admèt mwen konprann dam lan sitou lè li di ke sekrè vaudou a dwe kache. Pale ak nou de Pentagòn, nan kontèks sa a, se te dènye kou ke nou te resevwa.
Vaudou a se nannan revolisyon 1804 Ayiti! Dam nan ouvri dyalòg la. Nou envite w tande yon lòt son klòch.
Annou dabò eseye idantifye jenèz kontinan Ameriken an. Ki kote nou soti pou nou jwenn tèt nou nan pati sa a nan glòb la ? Kiyès nou ye?
Mwen pral kòmanse pataje ak nou revelasyon pwofèt Esdras nan Liv Apokrif la (2 ESDRA13:40). Li pale nou de tribi fanmi Jakòb yo ki abandone anviwònman yo (LaSiri) pou yo jwenn tèt yo nan lòt bout mond lan, yon kote ki pa gen moun; Yon vwayaj nan bato ki dire yon ane edmi, jan pwofèt la di, yon jou pèp sa a pral tounen èsklav. Yon bon lèkti nan 2 WA 17:1-7 va fè nou tounen sou rèy Wa Oze, nan ane 722 anvan epòk nou an. Sa va pèmèt nou konprann trajedi Izrayelit yo ki te nan latwoublay akòz dezobeyisans yo
An Ayiti, ki moun ki te rèsponsab pou ègzekite revelasyon pwofèt la? Se te Christophe Colomb. Nou konnen ke Pap Borgia te bay apwobasyon li. . Bondye Ki gen toutpouvwa va ouvri pou li tablèt yo kote'l make aksyon lèzòm sou tèr. “Kite revanj pou mwen” Detewonòm 32:35.
Colomb te konstate ke moun ki tap viv nan zile a, yo te deja vire do bay Bondye Ki gen toutpouvwa; yo te pèdi pwofil natirèl yo nan tan lontan, sitou po ebèn nan. Se konsa konkistador yo te batize Izrayelit yo, Endyen. Sepandan, fòk mwen souliye pou tout moun sa nou dwe make'l ke abitan zile a te divize an senk rejyon (HIGUEY, MANAGUA, XARAGUA, MARIEN, MAGUA)(*); yon konsèp administrasyon ke yo te vini ak li e ke yo te konsève apre anpil ane. Distribisyon sa a te devye plan orijinal Colomb pou’l te soumèt yo tout an menm tan.
Ann tounen nan tan Moyiz la, Nou konnen ke Izrayelit yo te pèdi lafwa yo. Nou tout sonje ti towo bèf la (veau d'or) granprèt la te fè. Sitiyasyon sa a te repete souvan ak Jozye, Enud, Jedeyon. Epi se atmosfè sa a ke konkistador yo te wè lè yo te rive sou zile a. Yo byen vit pran towo bèf yo nan kòn yo lè yo fòse moun ki rete nan zile a travay pou yo. Rezilta a se pèt konsiderab nan lavi moun, anpil lanmò.
Nonb èsklav yo ap diminye, fòk yo gen ranplasan. Kèk mo nan lang ebre, ki soti nan bouch abitan yo, te pèmèt Christophe Colomb idantifye orijin yo. Se konsa, li fè yon vwayaj pou li trennen lòt nan zile a. Sak fenk vini yo te alye tèt yo ak lòt yo. Kidonk, yo te kontinye pratike menm koutim sa a: ti bèf lò, veau d'or. Men, Bondye Ki gen toutpouvwa a te fè pitit Jakòb yo pwomès li pa tap janm abandone yo. Menm jan li te chwazi Moyiz, Jozye Gedeyon, li te nonmen Desalin pou pote flanbo a sou zile a.
Ki jan nou te ka konprann ke istoryen konkistadors yo te ka pale de men Bondye ki gen tout pouvwa a nan yon viktwa nèg bosals sa yo? Aksèpte reyalite sa a se denigre paran yo. Non, sa pat kapab fèt.
Abilman, istoryen yo te chanje ekwasyon an pou nou.
Gade yon folklor ke yo bannou. Yon kout dlo cho, yon kout dlo frèt. Se konsa yo te jwe nan lòlòj nou. Nou vale pilil anmèr NOU GEN YON PEYI POU’N DANSE POU’N CHANTE. Se konsa, yo te pase nou tout anba betiz.
Mwen ta renmen raple vodouyizan yo ke 10 kòmandman Moyiz te resevwa pou Izrayelit yo ta dwe transmèt bay lòt nasyon. Twa relijyon ( Jidayis, Islam, Krisyanis) aksèpte yo e menm mete yo nan liv yo. Nan pratik, sa a se yon istwa konplètman diferan. Nou pa kapab bliye DA 7:25 te predi devyasyon sa yo (.. . Li gen entansyon chanje tout fèt yo ak tout prensip lalwa Bondye a...)
Mwen pa gen dout ke Bondye Ki gen toutpouvwa a pap bliye tribilasyon pitit Jakòb yo. Kòm li te fè anvan, li pral repete l ankò. Ayiti dwe soti nan fimye sa kote sèpan an, nan ranpe‘l, te chwazi kòm kay li nenpòt kote SO Bondye ki gen tout pouvwa a pa prezan.
Se pa san rezon vaudou ekri konsa. Mwen vle atire atansyon nou a veau-d'or. Etranj koensidans vaudou a inivèsèl. Se manifèstasyon sèlman ki chanje dapre epòk la, dapre peyia.

(*) Istoryen yo pale nou de kasik. Mwen kirye pou'm konnen definisyon an. Mwen te oblije al gade nan LAROUSSE kote'm li konsa:
KASIK: ELÈV YO RESEVWA PREMYE NAN YON KONPETISYON, AN PATIKILYE, NAN LEKÒL NÒMAL SIPERYÈ A.
Èske se ta ka yon omaj yo bay tribi Jakòb yo ke pwofèt Esdras te pale nou an. Èske definisyon LAROUSSE sa a soti nan yon kòlèg Victor Hugo ki te adrese nasyon ayisyen an jan sa a:
"Èske te gen plizyè Adams? Natiralis yo ka diskite kesyon an; men sa ki sèten se ke gen yon sèl Bondye. Piske gen yon sèl papa, nou tout se frè."...... Me1860 TOUNEN NAN FRANSE A