Nou tout konnen, mond lan se yon vilaj. Annou pran yon pòsyon ladan ke nou va reprezante pa drapo peyi Dayiti. "HAITI CHERI" Na va ankadrel ak de fòs ki nan mond lan. Yonn se Bondye ki gen tout pouvwa a ke nou reprezante, san pwofanasyon, ak yon kolomb. " PAPA NOU Ki NAN SYÈL LA." Langaj sila pa soti de nou, se Li ki mande pou nou adrese'l konsa.
Lòt la, se Espri Satanik lan ke nou reprezante, pa yon sèpan. Nou tout konnen sa sa vle di. Nou tout konnen jan sèpan chavire mond lan lè li te fè entèvansyon nan Jaden dEden. Ki jan vodouològ yo rele'l lè yap kominike ak li ...???? Se yon okasyon dòr poum pataje ak vodouològ yo yon experyens mwen fè, nan venten mwen. Kiryozite entelèktyèl te fèm vizite yon seremoni vodou. Sipriz mwen, se lè mwen wè ke yon MIZÈL DOMINIKAL, liv katolik yo itilize pou rityèl yo, se ak li seremoni vodou sila te kòmanse. Izipasyon oubyen resanblans? Jouk jodya, mwen pakapab twouve yon explikasyon a sa.
Nan dezyèm pati a, nou prezante ou yon dam, ak tout elokans li, ki, nan Tik Tok, lap fè pwosè vodou ke li makonnen ak revolisyon peyi dAyiti nan ane 1804.
Lè li pale de Spirityalite, li metem atè nèt. Kitem presize:
SPIRITYALITE se yon fòs tout moun fèt ak li. Pagen de. Yon fòs, yon elan ki pèmèt lèzòm jwen men yo a Bondye ki gen tout pouvwa a (Ann, fè moun. Nap fèl potre ak nou; pou'l sanble ak nou); yon fòs, yon elan ki twò souvan afèbli, andefayans. Mwen sezi, lè mwen wè dam la antre Spirityalite nan kòzman silan.
Men, sa pranm yon ti tan poum reflechi. Toujou nan eseye konprann li, mwen santi sa li vle di. Dayè, nou tout konnen ke kèk paran pa pran tan, lè pitit la fèt pou yo konsakre l bay yon èspri loa. Se konsa, nan konpòtman timoun sila, tout moun rekonèt ke se yon èspri ki nan tèt li. Paran sa yo gen elokans pa yo lè yo di pitit la kwafe ak yon èspri.
Mwen tande dam lan pale defwa; mwen paka di mwen konprann li. Sitou lèl pale de sekrè vodou a ki dwe pou kache. Palem de Pantagone, nan kontèks sila, se te dènye kou a.
Asosye vodou a batay revolisyon 1804, mwen kwè ke se nannan koze a.
Dam lan ouvri dyalòg la; konnyèa kitem bay dizon pam.
Avantou, annou eseye identifye jenèz kontinan ameriken, kote nou soti pou nou twouve nou la.
Map kòmanse pa fè referans a pwofèt Esdras ki nan Liv Apokrif yo
(2 ESDRA13:40) pale nou de tribi Izrayèl yo, desanda Jacob yo ki soti nan yon pati mond lan; e ki ale abite nan lòt extremite a, kote pagen moun; yon vwayaj an bato ki dire yon ane ak mwatye. Kòm di pwofèt la, Bondye ki gen tout pouvwa a te bayo lamen lèl rete dlo a pou yo pase. Epi pwofèt la ajoute, pèp sa ap vini yon jou esklav.
Nan peyi dAyiti, ki moun ki te pral akonpli pwofesi sila? Se te Chritof Colomb. Nou konnen ke Pap Borgia te bay dizon li nan misyon Christophe Colomb. Sa se li ak Bondye ki gen tout pouvwa a ke sa konsène. "Kite vanjans lan pou mwen" Detewonòm 32:35.
Colomb te twouve nan zile a moun yo ki te deja tounen do bay Bondye ki gen tout pouvwa a . Depi nan tan Moise nou konnen yo te pèdi fwa yo. Nou tout sonje vodor ke grand prèt la te fè . Anpil fwa sitiyasyon sila repete ak Joshua, Enud, Gedeon. E se vi sila Conquistador yo remake, lè yo rive nan zile a. Travay fòse, lavidi. Se konsa tou, Izraelit yo ki ak chanjman sezon te chanje koulè, kòpilans yo tou te chanje; istoryen te bay non INDIEN, yo te mouri anpil. Fòk yo te gen ranplasman.
De twa mo ebre ki te soti nan bouch abitan yo, pèmèt Colomb idantifye orijin yo. Se konsa li tounen lal chache lòt ke li trennen nan zile a. La, fwa yo sede, yo kontinye pratike menm koutim lan : vodor, vodou.
Men, Bondye ki gen tout pouvwa a, te fè yon pwomès a pitit Jacob yo ke li pap janmen abandone yo. Menm jan lite chwazi Moise, Joshua Gedeon, li te chwazi Dessaline tou pou pote flambo a nan zile a.
Kòman ou te ka konprann ke istoryen konkistador yo wè men Bondye ki gen tout pouvwa a nan yon viktwa nèg bosal sila yo? Aksèpte reyalite sila se denigre zansèt yo. Non, sa pate ka fèt.
Abilman, istoryen yo chanje ekwasyon pou nou. Jenyalman, yo bannou yon fòlklor. Se la nou tout pran. NOUS AVONS UN PAYS DE DANCE ET DE CHANSON. Gade kijan yo pase nou anba betiz. Mwen ta renmen raple vodouolog yo ke 10 kòmandman Moise resevwa pou Izrayelit yo ki te gen misyon pou yo transmèt yo bay lòt nasyon yo. Twa relijyon (Judaism, Islam, Kretyen) te aksèpte 10 komandman yo ki menm ekri nan liv yo. Men, pratike yo, sa se yon lòt istwa. Dayè, chirepit sa yo te prevwa nan DA 7:25 (...L'ap fè lide chanje tout fèt ak tout prensip lalwa Bondye a...)
Mwen pa gen dout, Bondye ki gen tout pouvwa a pap bliye pitit pitit Jacob yo ki nan tribilasyon. Menm jan li te fè avan, lap repete'l ankò. (Haiti renaitra de ses cendres) Li gen pou'l soti anba fimye a kote yon sèpan ap ranpe. Si yon kay pa sele ak So Bondye, lap tou antre pou'l laye kò li.