|
Me yon sijè ki entrige'm anpil apre yon dyalòg ak yon zanmi; relasyon nou te kouvri anba anpil rekòt kafe. Li ta sanble li gen rezèv sou diferans ki genyen ant Senkretism ak vodou. Wi de mo sila yo, li boukante yo jan pa'l. Mwen panse zanmi'm lan, pwobableman, ka pa li sèlman nan konfisyon sila. Se konsa, mwen estime ijan ke mwen fè yon remark piblik sou sa. Mwen kwè li nesesè pou mwen dabò mete aksan pou tout lektè tèks sa a ke tout referans sou Krisyanite, pou mwen, vle di Bondye Abraram, Izarak ak Jakòb. Mwen pa ka envoke non'l san m pa pran kont èspri ki opoze'l nan tout bagay. Annou di'l fò, èspri kap talonnen'l toupatou. M'ap pale de Lisifè, souvan yo rele Baal. Nan domèn literè a, mwen twouve li kaptivan pou'm obsève konpòtman'l atravè lantiy mikwoskopik pou'm ka wè ki jan li travay pou l'espyone nou, pou'l kreye latwoublay nan tèt nou, deranje nou. Ki jan nou te ka bliye fè w sonje evènman ki te lakòz chit Adan ak Èv nan Paradi Tères la; evènman ki bay nesans a dezobeyisans makonnen ak mansonj, de transgresyon nou twouve nan tablo Baal yo. Sepandan, temwayaj ki pi elokan an, mwen te jwenn li, lè map panse a espirityalite ki pa lòt bagay ke yon elan, yon fòs natirèl nan chak moun ki pèmèt li lonje men'l bay Èt Siprèm la; fòs sila, momantòm sila twò souvan li diminye jouk li fini pa, anba chal, disparèt nèt, Sa a se Baal nan travay li. Mwen vle siyale ke mwen fè referans a Sent ekriti yo ki gen preskripsyon yo inivèsèl malgre konfli yo ki te lakòz anpil lank ak saliv koule. Se toujou Baal nan travay li. Mwen apresye nan vrè valè yo kat jeyografik ke mwen wè nan Bib yo. Se yon rapèl de yon epòk ki pase. Yo trè edikatif. Men, poukisa pa gen yon kalandriye tou? Kalandriye diven an! Omisyon sila te byen akeyi pa Emisè Baal yo. Dènye a se Konstantin Le Gran, ki majèstyesman te mete so li pou'l enpoze kalandriye'l ; se konsa li mennen nou tounen, tou dousman, nan kaptivite. Dim si nou janmen chita reflechi sou sa. Gade, majorite moun kap viv sou tèr pa wè sa. Mwen jwenn langaj Jeremi 18:15 la trè enpòtan...poutan pèp mwen an bliye m, yap boule lansan pou zidòl ki pa vo angnin; Kifè yo kite chemen pou yo te souiv la, chemen yo tap souiv depi nan tan lontan. yo pran mache nan raje, kote ki pa gen chemen ki trase." Kidonk, nou te note ke nan fratènite yo e menm nan fanmi yo yon chirepit ki bay la twoublay pèsiste. Fanmi! wap abize lang la, nou pral byen di. Mwen ta dwe, de preferans, pale de fwaye paske fanmi an byen vrèman egziste lè elèktrisite ki pase, san twoub, soti nan yon moun ale nan lòt yo atravè tout selil familyal la. Avan mwen fèmen parantèz la, fôm byen di ke fwaye a ap pivote sou yon latwoublay ki pèmanan; map repete'l yon latwoublay ki pèmanan. Map kite nou la pou nou reflechi sou sa. Brèf! Konbyen zanmi ki kraze! Jiska prezan, yo te fè tantativ, pou grenmesi, pou retabli kalandriye diven an. Gras ak Mizèrikòd! Se pou tout moun ki opoze a emisè Baal la neglije ego yo lè yo envite Èt Siprèm lan, douvan tout moun, pou Li di dènye mo a. Egzanp nou genyen sou sijè sa, yo te revele nou nan ekriti yo nan Ansyen ak Nouvo Testaman an. Mwen vle di sa yo ki refere a jounen jèn yo. Ki sa nou di? Teknoloji a la pou senkronizasyon, lap sekonde nou. Ann sispann diskisyon anven yo. Seyè a ki wè tout bagay, Seyè ki tande tout bagay e ki konprann tout bagay ap di dènye mo a. Mwen kirye pou m wè ki moun ki pral mete ton an pou sijesyon sa a; epi li ta sezi si'l te fè sa, epi li konstate li antreprann reedisyon Golyat ak David la. Anplis de kantite jou nan yon ane, sa a pral tou e sitou konsène jou repo a, jan Bondye Toupisan an te deziyen l: "Sonje jou repo a pou sanktifye l..." Li emèt lide li dabò ak yon rapèl. Mwen panse mwen oblije fèmen parantèz la ak mo sa a "rapèl." Lè m ap pale de Krisyanis, mwen kwè mwen dwe konfese'm beni paske anpil manyèl ekriti sakre yo pase nan men m. Se pa menm ak vodou ki gen literati ki pa aksesib pou mwen. Men, mwen toujou raproche'l de estati ti towo bèf an lò ki mansyone nan Sent ekriti yo. Se te travay Baal. Kontèks la enteresan pou nou bay yon ti diplis nan lapawôl. Ki sa li te ye, an reyalite? Nou te nan esklavaj total. Nwa kont nwa. Faraon Lejip yo te pèsekite Izrayelit yo. Èt Siprèm nan te mande youn nan sèvitè'l yo pou'l fini ak sa. Nou tout konnen istwa Moise. Se jisteman pandan Israelit yo ap travèse dezè a ke Baal te entèvni pou defye plan diven an. Arawon te onore demann li a, lè li te konstwi imaj pou li malgre preskripsyon Bondye te kondane yo fòmèlman: "Ou pa dwe gen lòt bondye devan mwen." Enfraksyon sa a dwe te oblije Espri Divin a reyaji. Li te entèveni paske li te pwomèt Abraram ke Li pap janm abandone pitit li yo. Nan lòt sikonstans, li te fè menm jan an pou korije sitiyasyon an. Opòtinite pafè pou prezante w pwofèt Esdras ki te pale ak nou sou jenèz Amerik la, 40. Ce sont les neuf tribus qui furent emmenées captives de leur pays au temps de Salmanasar , roi de Perse, qui les conduisit prisonnières dans son royaume. 41. Ceux-ci d'eux-mêmes conçurent ce projet d'abandonner la race de leur peuple et d'aller dans une terre qu'aucun homme n'habitait, 42. Afin de garder leur loi qu'ils n'avaient pas gardée dans leur pays. Kote yo kounye a jwenn tèt yo, izole ak rès mond lan, lafwa yo te vin tounen yon lòt fwa ankò. Baal toujou ap travay. Li pa rate opòtinite pou l anpeche plan diven an. Kidonk, vodou se evidamman toupatou sou Ispanyola. Ak prezans konkistador yo nan nouvo kontinan an, nou te oblije fè fas a senkretis. Se toujou Baal nan travay kap kontredi preskripsyon diven yo, an patikilye dis kòmandman yo ke okenn moun pa te gen dwa modifye e pou oken rezon. Menm lè a, mwen imajine, se transgresyon Èv la ki vini nan imajinasyon ou. An pasan, m ap li KAN LA GÈ ( LE CAMP DE GUERRE ) Jean François Kahn. Mwen te konprann ke leszòm toujou vlope tèt yo nan manti pou jistifye egare l '. Jis anvan ke mwen pale avè w sou revolisyon Sendomeng la, pèmèt mwen pataje avèk ou remark yon ekriven: "Toutotan lyon yo pa gen istoryen yo, istwa lachas la ap toujou tounen nan glwa chasè yo." Se konsa sa, istoryen, pitit gason konkistadè yo, te fè yon travay extraordinè. Yo espre retire tout manifestasyon diven nan viktwa nou kont opresè a, alò ke Desalin pat lòt ke yon Jedeyon. Li te nome pou ede Izrayelit yo ki te gaye nan kontinan Ameriken an. Yon fwa ankò, Èt Siprèm nan te voye yon moun pou sove yo. Jiska prezan senkretis relijye pèsiste nan kilti nou an. Anjeneral, nou pa reyalize sa. Moun ki byen konnen sijè refize pale sou li paske yo pè wè avantaj yo disparèt. Kanta mwen, nenpòt manigans mwen ta fè pou'm refize pale ak ou sou sa, ouvètman, se ta va sou komand Baal ki ta va eseye banm presyon. Gras, pitye, Seyè! NB. Tous vos questions et vos réserves peuvent etre adressees a: Myrtho Felix felixloop@gmail.com 561 489 9098 |